聖公會林護紀念中學校友會

校友沙龍第五回一次過請嚟四位林護電影人，同大家講電影、講創作。佢哋亦會分享電影人嘅日與夜、樂與怒。四位校友透過電影媒介，帶出香港社會種種議題，刻畫香港社區獨特面貌，更喚起大家對弱勢社群嘅關注。

喺分享會之前大家唔會估到，主角劉俊謙嘅缺點居然係太靚仔；亦未必諗到電影原來對精神病患者以及照顧者有咁大嘅啟發；更難想像到喺香港拍一套觀眾鍾意嘅電影，要有幾大嘅努力同毅力。