【校友沙龍— 文學與哲學系列之一：影像的力量】
大家有無係網上見過報導戰亂既相片？見到時又有咩感覺呢？如果突發事件正係你身邊發生，你會唔會打開手機直播呢？
係呢個資訊爆炸既年代，我地瞬間可以見到世界另一端即時發生緊既戰亂、恐襲、難民潮同天災。中學時讀過「惻隱之心，人皆有之」。但睇完影片或相片之後，作為「旁觀者」既我地，係道德上應該做咩？或者我地可以做咩？
今次係校友沙龍中《文學與哲學》系列既第一回，兩位嘉賓校友會同大家討論呢個話題。如果有興趣，大家可以睇下讀本，或者即場入黎討論都得！
－－－－－－－－－－
讀本：
蘇珊桑塔格《旁觀他人之痛苦》
"Regarding the Pain of Others", Susan Sontag 2003
嘉賓講者：
李敬恒 Roger (1991)
香港中文大學哲學系博士。現職明愛專上學院人文及語言學院高級講師，主要教授思考方法、哲學史、道德哲學及政治哲學等課程。多年來致力於哲學普及，現任港台節目《哲學有偈傾》主持。
劉安廉 William (1997)
香港中文大學翻譯系文學碩士，伯明翰大學古代史文學碩士。曾任職寫作導師、電視節目撰稿、財經翻譯及國際新聞翻譯。譯著有《走進風景》。
－－－－－－－－－－
William心聲：
讀林護的時候，多得有Roger師兄幫我補習，令我成績突飛進，高中仲有得留低。我地而家經常會同一班志同道合的朋友搞讀書會（@火苗文學工作室），目前已經搞咗過百次讀書會，亦會入學校舉辦聯校讀書會，一起推動閱讀風氣。
－－－－－－－－－－
網上沙龍詳情如下：
日期： 11月28日(六)
時間： 晚上9:00
平台： Google Meet
(註︰參與會議人數上限係100人。我地會以「先到先得」方式讓大家進入會議。如遇額滿未能參與，敬請原諒。)
－－－－－
屆時敬請遵守以下規則︰ 1. 除發問環節，請將咪設定成靜音(mute)，以免影響活動進行。 2. 喺討論環節如要發言，請先喺聊天室(即時通訊訊息/ Messages)留言，並等待主持人示意。 3. 基於時間所限，發言請盡量簡短。 4. 不論係發言抑或喺聊天室進行討論，請保持互相尊重，嚴禁粗言穢語及人身攻擊。
請大家多多支持，期待同大家喺沙龍相聚！
Comments