6隊林護人&frds，成功完成了2022毅行者！！！100km，是個怎樣的概念？
借用一位校友supporter的形容：“完成100公里真心吾容易架，比連續兩個馬拉松距離還要多，而且加上擧升的高度對肌力更多要求。”
唔止。仲要廿幾甚至四十幾個鐘無得瞓覺呢！點頂呀？但佢地無論老嫩、無論經驗豐富定係行山初哥、無論平安無事定係中途受傷，都堅持到底完成了！我地點能夠唔比100 x 1000個like佢地呢？
得參加者嘅同意(或沒有反對)，就讓小編輯錄佢地嘅一啲說話，讓我地冇參加嘅，都可以感受佢地嘅艱辛、苦中作樂，仲有深情感想；而佢地將來亦可以喺呢個群搵返佢地呢次一世難忘嘅回憶，永遠回味。
補給站或沿途上…… “開可樂嘅聲音好好聽呀！” 隊員A：“食飽，按完摩，舒服晒！” 隊員B : “可以行多100K呀。” “嘩！尿袋都有呀？！” “加油，先有飯吃” “專業山中熱咖啡，Wow! ” “Support team 可以在水浪窩準備鎮痛劑俾佢？” “另外需要一盞頭燈” “我哋就嚟到水浪窩，繼續有個隊友都需要呢一個可唔可以俾我哋噴一噴” “各位注意，基維爾營好凍” “到廁所門口高叫林護，就會有人搵你” “22:50到cp4” “嘩！好快！” “我估計262隊8:00到大帽山” “唔抵玩，咁貴玩11個鐘” “外賣仔同4碗皮蛋瘦到送到CP8,等著534隊來開餐,位置在燒烤場內” “轉涼左，注意保暖” “有美女係前面，行快啲啦，” “真係好凍，保重，加油”
完成壯舉的心聲……
“仲有Bosco 的同行，加support team唔行唔知原來行到有補給（仲有掛耳熱啡）係咁感動” “行左大半日，有support team盒熱飯食好溫暖，感謝各支援人員及參賽者，成為創造這次6隊毅行歷史時刻的一員，，” “非常非常感謝自隊隊友們，supporting 隊員，各隊隊員，跟校友會支持” "食檸檬，要連皮食" "...好苦 ..." "連皮食就唔酸" "...好苦 ..." "都話要連皮食 ..." "..." "拉肌食檸檬狂訓之外，大家仲有無d復原方法介紹下” "感謝Tata嘅全力支援，0530嘅強大後盾。” "最後係 @Bosco 扯行我哋，飛快咁完成9同10段。” "感謝係各CP準備食物既，係日夜之中，高高低低，山頂水邊陪行既林護人，我好有幸能得到各位支持，將本來係獨樂樂既事，變成與眾同樂既事。” "由沒有要求飯團, 到食到四個飯團, 感動. 係唔記得留返個飯團放落杯麵湯度泡 ” "我都好在有jk大師兄同鄭sir提點，先識得提早換襪，如果唔係個後腳爭就爛都似。” "我都感謝大家嘅陪伴，廿年冇行，能順利完成，感覺青春還在” "今次活動完滿結束，再次感謝天明和鄭sir在今次毅行活動上嘅策劃，組織及安排。感謝校友會及support team嘅全力支援，雪中送炭。感謝各位毅行者近幾個月一同操山陪訓，經驗分享，薪火相傳。感謝0262隊各大佬完美示範。最重要當然要感謝自己隊員，合作無間，走畢全程。”
"我都真係好感謝大家的陪伴同幫助 首先係michael 一二段曬到傻 喺我就爆嘅時候係佢幫我孭背囊同換咗佢個水樽俾我 等我飲水方便啲 教我一命 然後係天明 喺水浪窩俾咗對五趾襪同厚襪我 感謝 到9段我已經死咗 好彩有經爺同joe夾住我先快快步un到cp9 最後係sam俾咗個頭燈我同bosco扯住我個死人行先行到 仲有沿途cp嘅support team 感謝感謝” "個頭燈每6秒6毫架，no free lunch” "仲有天明對襪唔係免費俾㗎 ” "漏咗larry 陪我喺水浪窩行到獅子亭 一齊傾偈捱過第一個夜晚 感激” "題外話，之前睇個段野，你只要有接觸件事，就係一分子。今次未能沖線既，唔係失敗，只係未成功。而幫手支援既，每一隊既成功，都有你既一分心機同支持。” "好感謝各位大佬們嘅幫助，呢幾個月每次一齊操山都獲益良多，由一開始連行邊都唔知，到後尾up得出果座係咩山，非常非常感謝support team，每次見到你哋我都如獲新生，特別係果盒叉蛋飯同紅樂如有神助，真係世界級好食，食完對世界充滿希望！仲有支眼藥水，久旱逢甘霖！我對眼乾到差啲盲，最最最重要當然係隊友們嘅不離不棄，凌晨果陣播歌狂爆一直跟上，到天光變左喪屍一直等我，多謝朋友啊康中途陪跑幫我孭袋，好開心大家可以一齊沖線，畢生難忘！再次多謝各位嘅幫助！無盡感激！下次預埋我” "首先，很想藉此小小感想發表機會恭喜大家。完成100公里真心吾容易架，比連續兩個馬拉松距離還要多，而且加上擧升的高度對肌力更多要求。對有根底的運動愛好者都是挑戰，更何況很多今年參與的林護校友及好友都是運動素人，大家温文爾雅，注定需要經歷一番肉體和心靈的磨練。多謝您們當時的衝動，一絲的魯莽報名參與2022的毅行者的一分子，見證您們由第一次練習，各隊尚未成軍，肥肉尚在橫行，肌肉尚未醒覺，麥徑都未完整分段走過。到由鄭sir分配隊員，互相認識，針草帽輪迴，夜行捱凍吹風，自組練習，加操，分享裝備心得，不同界別的師兄弟姐妹有着同一個目標，隊形出來了。到真正起行的時候，組織分配，各司其職，各人係不同時間狀態有高低，互相扶助，互相激勵，一同掙扎，一同堅持。看着美麗的香港郊野，穿梭其中，看着你們發生的各個動人的小故事，結果是20小時/30小時/40小時/dnf , 都只係錦上添花的後話了再次謝謝您們，同行的每一位，支援的每一位，讓我在學時已背誦的一句話 ”非以役人，乃役於人” 加上一層新的回憶！謹此多謝校友會對活動的支持，讓我們連在一起。Supporter校友 Tata上” " 無師姐傍住加埋送零食的話，早就瞓左喺度喇” "Keep住操到11月，target below 30hours” "「樂施毅行者2023」暫訂於11月24至26日舉行。大家又可以操住山等” "天光果陣係針山腳同自己講，我呢世都唔會再行山，但係今日瞓醒想再行多次” "大家都係有自虐傾向” "好熱血”
Comments